Сёння мы - не сёння, не ўчора, не заўтра і не СМІ ўвогуле. Бо так выхоўвалася прадузятасць (нам не сорамна) і бескампраміснасць. Доўга распавядаем пра тое, што бачылі і ведаем самі: альтэрнатыўная музыка, звілістыя сцежкі, контркультура, ігнаруемае «нябачнае» асабістае, жывое, дзіўнае і неадназначнае, брутальная і не вельмі інтаксікацыя, быццё ў гушчы падзей і прынцыпова – у іншым вымярэнні.
Місія нашага самвыдату – стварыць вольную медыйную прастору садружнасці і сатворчасці як мінімум, як максімум - вярнуць магчымасць радыкальнай прыгоды і глабальнай фантазіі. Нас няшмат, але нашага абурэння рэалізмам хопіць на ўсіх.
Далучайся! Калі вы хочаце падзяліцца сваім досведам, а заадно ўмееце добра пісаць ці рабіць ілюстрацыі – пішыце нам на пошту: nottodaysocialmedia@gmail.com
Мы абмяркуем умовы і паспрабуем надрукаваць ваш тэкст. У нас няма аўтарскай манаполіі на матэрыялы – мы будзем рады новым людзям, якія жадаюць зрабіць свой унёсак у праект.
Звяжыцеся з намі
